Siglir tar il cuntegn

Header

audio
In duell etern en la Val Müstair
Or da Actualitad dals 19.04.2022.
laschar ir. Durada: 2 minutas 34 Secundas.
cuntegn

Elecziuns 2022 Lamprecht cunter Binkert-Becchetti per la 6avla giada

En Val Müstair cumbattan in'ulteriura giada Rico Lamprecht e Gabriella Binkert-Becchetti per in uffizi politic, per la terza giada vai per in sez en il parlament grischun.

Gia per la sisavla giada cumbattan Rico Lamprecht e Gabriella Binkert-Becchetti in encunter l'auter per in uffizi politic. Trais giadas han els cumbattì per il presidi da la Val Müstair, ussa vai per la terza giada per il Cussegl grond.

La dumonda è damai, sche Rico Lamprecht perda suenter il presidi da la vischnanca era l'uffizi sco deputà dal Cussegl grond a sia rivala politica Gabriella Binkert-Becchetti. Tgi ch'è actualmain en avantatg n'è betg simpel da giuditgar. Enfin ussa eran las elecziuns communalas adina stretgas, las elecziuns chantunalas cleras.

Nov sistem d'elecziun – nov resultat?

Cun il nov sistem d'elecziun da proporz pudess quai sa midar. Ils dus concurrents fan part da las duas partidas cun las gronda simpatias en Val Müstair. Gabriella Binkert-Becchetti da la PPS ha fatg las pli bleras vuschs tar la davosa elecziuns da proporz, quellas dal Cussegl naziunal dal 2019. Rico Lamprecht è da l'Allianza dal Center ed aveva fatg mo 24 vuschs pli pauc.

Il terz candidat en cursa, Guido Mittner da la PLD, vegn ad avair ina posiziun difficila, sper ils dus candidats eterns.

RTR actualitad 17:00

Artitgels legids il pli savens