Per meglierar il stadi dal guaud ha la regenza decis ina strategia en tschintg etappas. Enfin il 2035 duai la regiuvinaziun natirala dal guaud puspè daventar pussaivla.
10 finamiras e 40 mesiras
En in emprim pass duain intginas spezias da plantas da figlia, ch’èn fitg impurtantas en il connex cun la midada dal clima, sa regiuvinar en in dumber suffizient. En in segund pass vul il chantun promover l’aviez. Sco davos pass na duain tut las spezias da plantas betg pli vegnir influenzadas decisivamain entras la selvaschina, quai ha communitgà la regenza.
Ina mesira per quest intent è d’intensivar la chatscha, en quellas regiuns nua che la selvaschina fa gronds donns vid il guaud. In’autra mesira è da sminuir disturbis en ils spazis da viver dals animals selvadis, per che lez sa repartian bain en l’entir guaud e na restian betg tuts en in lieu.
