Siglir tar il cuntegn
cuntegn

Gottard 2016 - persunas Thomasina Müller – la conductura en il nov tunnel dal Gottard

A l'entschatta december vegn la conductura ch'abitescha ad Ebikon en il chantun Lucerna ad accumpagnar per l’emprima giada in tren tras il nov tunnel dal Gottard.

Thomasina Müller en mondura davant ina locomotiva.
Legenda: Thomasina Müller mad

Thomasina Müller è staziunada en il deposit da las Viafiers federalas svizras (VFF) a Lucerna. Ella lavura sco conductura da tren sin differentas lingias en l’entira Svizra. A partir dal december vegn ella era a lavurar sin la lingia dal nov tunnel dal Gottard.

Thomasina Müller
Legenda: Thomasina Müller mad

Scolaziun speziala

Tut las conducturas ed ils conducturs ch’èn staziunads en il deposit a Lucerna, var 140 persunas, giaudan ina scolaziun speziala per pudair lavurar en il nov tunnel dal Gottard.

Quella scolaziun cumpiglia ina visita dal tunnel per emprender d’enconuscher ils sistems da salvament sco era exercizis d’urgenza cun in simulatur interactiv en 3D. Tenor Thomasina Müller è il nov tunnel dal Gottard in dals pli moderns e segirs tunnels dal mund.