Siglir tar il cuntegn

Header

Navigaziun

Al cunfin: crusch sin il Piz Schesaplana (2‘964 m.s.m).
Legenda: Al cunfin: Crusch sin il Piz Schesaplana (2‘964 m.s.m). RTR/ORF/A. Bertogg
cuntegn

Allegra Vorarlberg… Sgol al cunfin

Il Rätikon è questa part da las Alps che sparta il Grischun ed il Vorarlberg. Pli baud devi ina massa rutas da cuntrabandists che manavan sur il Rätikon. Nus – Alice Bertogg dad RTR e Christian Suter da l'ORF Vorarlberg – essan però ids tut legalmain al ed era sur il cunfin.

Cun l’helicopter essan nus sgulads davent da Ludesch dal Brandner Tal viaden (ins accentuescha dal reminent la segunda silba «Lu-desch»). A la fin da la val sa preschenta il Schesaplana en splendur magnifica. Il piz da bunamain 3'000 meters autezza ed ils culms vischinants eran curclads cun naiv e cun la glischur dal sulegl traglischava l’entir panorama.

Lura essan nus sgulads sur il Brandnergletscher, il Lünersee, la Mannheimer Hütte e schizunt enturn il Schesaplana en il tschiel Grischun sur il Partenz.

Durant sgular enavos a Ludesch, en la val dal Rain dal Vorarlberg, è sa preschentada a nus l’entira lunghezza da la vallada. Jau ma legrel sin las scuvertas al funs dal Vorarlberg!