Siglir tar il cuntegn
cuntegn

Allegra Vorarlberg… La veglia dama dal Lai da Constanza

Ella ha survivì la Titanic e duas guerras mundialas ed ella è anc oz ina da las damas las pli elegantas sin il Lai da Constanza. La nav a vapur Hohentwiel ha festivà il 2013 ses 100avel anniversari.

Ella ha la medema annada sco la Titanic, 1913. Ma fertant che la Titanic è sfundrada durant sia emprima excursiun cursescha la Hohentwiel anc adina sin il Lai da Constanza. E quai malgrà ch’ella era pliras giadas avant la fin da sia existenza.

Ina istorgia tranter retgs e la guerra

Gia il 1913 vegniva bajegià cun tecnica da qualitad Svizra.
Legenda: Gia il 1913 vegniva bajegià cun tecnica da qualitad Svizra. RTR/ORF/Ch. Suter

La Hohentwiel è vegnida bajegiada l’onn 1913 sco davos bastiment da la flotta dal retg Wilhelm II da Württemberg. Persunas da num e da pum ha il bastiment da vapur transportà ina massa sur il Lai da Constanza. Tranter auter ha Graf Zeppelin festivà ses 75avel anniversari sin la Hohentwiel.

Durant la Segunda Guerra mundiala è la Hohentwiel, il link avra en ina nova fanestra mitschada piz a cup a sia fin. La notg dals 24 avrigl 1944 è Friedrichshafen, nua la Hohentwiel era staziunada, vegnì bumbardà. Cunquai che la Hohentwiel era gia da viadi è ella vegnida alarmada ed uschia salvada da las bumbas dals alliads. Tut ils auters bastiments a Friedrichshafen èn vegnids destruì.

Da la chasa da club fin il palazi sin in lai

Il capitani Adolf Konstatzky ha surschà il guvernagl en ils mauns dad Alice Bertogg.
Legenda: Il capitani Adolf Konstatzky ha surschà il guvernagl en ils mauns dad Alice Bertogg. RTR/ORF/Ch. Suter

Davent dal 1962 serviva la Hohentwiel sco chasa da club dal club da bartgas a vela da Bregenz. Avant che dismetter il bastiment desolat è sa furmada in'uniun per la tgira ed il mantegniment da la Hohentwiel. Durant 16 onns è la nav a vapur lura vegnida restaurada e renovada uschè original sco pussaivel ed ils 17 da matg 1990 ha ella puspè fatg ses emprim curs sur il Lai da Constanza.