Siglir tar il cuntegn

Header

cuntegn

Allegra Vorarlberg… L’helicopter da James Bond

Il davos film da James Bond «Spectre» è per part vegnì filmà en il Vorarlberg. Per las filmadas hai duvrà quatter helicopters da la firma Wucher da Ludesch. Co la firma Wucher è vegnida a l’incumbensa è bunamain stà uschè spectacular sco il film ch’è vegnì producì.

Gerhard Huber da la firma Wucher
Legenda: Gerhard Huber da la firma Wucher è losch d’avair survegnì l’incumbensa per il film da James Bond. RTR/ORF/A. Bertogg

40 dis è vegnì filmà ord l’aria en il Vorarlberg ed en il Tirol. E 40 dis èn ils quatter helicopters da l'interpresa Wucher stads en acziun. Trais helicopters èn sgulads cun cameras, in è restà per terra - pront per cass urgents. In tal cas hai dà ils davos dis da las filmadas, cura ch'in actur era sa blessà ed ha stuì vegnir transportà en l’ospital.

Surdada da l’incumbensa sco en in film

Gerhard Huber, manader da l'interpresa Wucher ha survegnì la dumonda d’offerta senza ch’el saveva per tgi ch’èl haja da far la calculaziun da pretsch. El è alura vegnì envidà a Sölden e là ha el survegnì ina charta naira cun l’inscripziun d'aur «007».

Ina charta naira cun l’inscripziun dad aur 007… Mes puls è ì ad aut!
Autur: Gerhard Huber Gestiunari

Uschia ha era la firma Wucher survegnì in pau dals 250 milliuns dollars ch’il nov film da James Bond ha la fin finala custà.

Artitgels legids il pli savens