Siglir tar il cuntegn

Header

Navigaziun

cuntegn

Allegra Vorarlberg… In paradis da tgirom, pail e lain

Il «Hölzler» è in chalzer da lain ch’ils purs dal Bregenzerwald purtavan gia da vegl ennà. La firma Devich Schuhe a Hittisau ha adattà il chalzer tradiziunal al temp modern. Ed uss vegn quest chalzer surtratg mintgatant schizunt cun pail da giat.

Daniel Devich maina la fatschenta da famiglia en quarta generaziun. El ha fatg l’emprendissadi mercantil, l’artisanadi dals chalzers da lain ha el emprendì da ses bab. La firma, il link avra en ina nova fanestra producescha radund 30'000 pèra chalzers ad onn e las curunas en stizun èn emplenidas cun chalzers da tutta sort.

Dal motociclist enfin il plevon

Ils chalzers da lain surtratgs cun tgirom u pail vegnan purtads da zunt differentas persunas. Uschia ha la firma Devich era gia fatg chalzers per motociclists passiunads cun il logo da «Harley Davidson» en il tgirom. Ed en il Bregenzerwald datti in plevon che fa messa cun ils «Hölzlers». Quests sajan dentant decents, punctuescha il manader da la firma.

Per las dunnas in stival chaud

Dapli fantasia hai duvrà da persvader las dunnas da purtar ils chalzers voluminus da lain. Ma lura ha la firma Devich creà stivals sin basa dal «Hölzler».

Nagina dunna less pes fraids
Autur: Daniel DevichGestiunari

Quests stivals cun sola da lain e pail per part exotic, stgaudan fitg bain ils pes e Daniel Devich è persvadì che nagina dunna ha gugent pes fraids. Ed uschia èn era ils stivals daventads in hit.