Siglir tar il cuntegn

Header

Navigaziun

roboter en il tschaler vid volver chaschiels
Legenda: Il roboter vid la lavur en il tschaler da chaschiel. bergkaeserei.at
cuntegn

Allegra Vorarlberg… Daco ch’il roboter lavura meglier ch’il chaschader

A Schoppernau en il Vorarlberg mettan ins gronda paisa sin il chaschiel. La chascharia è amez il vitg, in bajetg modern cun tut ils indrizs necessaris per producir chaschiel, ina stizun per la vendita directa ed ina massa fanestras, per ch’ins possia guardar la producziun dal chaschiel.

Il 2002 han ins bajegià ina nova chascharia. Perquai che l’Austria ha fatg il 1997 il pass en l'UE sajan las perscripziuns adina vegnidas pli saveras, di Raimund Beer.

Legenda: Guardar il video Il roboter fa buna lavur en tschaler. Durada 00:29 minutas.
Or da RTR dals 02.05.2016.

Uschia han ins decidì da construir ina nova chascharia. Quella tutga gia dapi il 1912 ad in'associaziun. Uss han ins ina producziun moderna. Schizunt in roboter gida tar la producziun dal chaschiel. Igl è in roboter che volva ed unscha en la salamuira a las magnuccas. Ed il roboter fa quai para meglier che carstgauns.

La maschina è propi fitg lavurusa. Mintga onn volva ella bunamain 200’000 magnuccas, en tut èn quai gia varga 1 milliun.

Betg laschar dictar il pretsch dals gronds

Gia dapi decennis produceschan e vendan ils purs a Schoppernau sezs e direct lur products. Uschiglio veglian memia blers commerziants tranter era anc gudagnar daners.

Legenda: Guardar il video Cuntent cun il pretsch dal latg. Durada 00:55 minutas.
Or da RTR dals 02.05.2016.

Cun vender pli direct il chaschiel survegnian ils purs uschia in meglier pretsch per liter per lur latg, manegia Raimund Beer. Ils davos onns han els adina pudì pajar tranter 40 e 42 cents per liter latg (44 - 46 raps). Cumpareglià cun autras regiuns saja quai bun.

Vendì vegn il chaschiel per gronda part en l’entir'Austria. Bler vegn furnì en la regiun da Vienna ed era en l’Austria Bassa, en las regiuns da vin. Era en Germania vegn exportada ina part dal chaschiel. In’autra part vegn lura tuttina vendida sur in commerziant. Dentant betg in memia grond, uschia ch’il pretsch constat anc.