Siglir tar il cuntegn
Inhalt

Dal lontan el Grischun Turnada pervia da l'amur

Jahzel Casanova Talamantes è vegnida avant blers onns dal Mexico en il Grischun per visitar ina collega e far vacanzas. Ses num da famiglia tradescha gia ch'igl è capità insatge nunspetgà durant questas vacanzas.

Jahzel Casanova e sia famiglia
Legenda: Dal lontan el Grischun Jahzel Casanova Talamanes e sia famiglia Jahzel Casanova

Jahzel Casanova Talamantes è ida ina saira cun sia collega a Glion en sortida. En ina bar ha ella emprendì d'enconuscher Patrick. Suenter mo in'emna han els stuì prender cumià in da l'auter. Ella ha cuntinuà ses viadi tras l'Europa. Ma avant che turnar en sia patria, è ella anc s'annunziada ina giada tar Patrick.

Mantegnair ina relaziun sin lunga distanza na saja betg adina stà uschè simpel. Els han communitgà bler per mail e telefon. Insacura saja quai stà cler, ch'els stoppian midar insatge.

Els han decidì da maridar ed ella è vegnida en il Grischun. Bandunar sia famiglia sajà stà fitg difficil. Ses nov dachasa a Dardin plascha ad ella fitg bain. La vita quà saja schon fitg differenta cumpareglià cun la vita en la citad da Mexico, ina citad cun plirs milliuns abitants.