Siglir tar il cuntegn
Inhalt

Dal lontan el Grischun Patty Lardi – da Lima a Cuira

Gia 35 onns viva Patty Lardi cun sia famiglia a Cuira. Igl è stà l'amur che ha manà la dunna dal Peru en il Grischun.

Patty Lardi en il curtin
Legenda: La vista sin la citad da Cuira plascha era a Patty Lardi. Da la citad gronda da Lima en la citad da Cuira - ina brava midada è quai stà. RTR / Esther Berther
ina dunna che preschenta muffins
Legenda: Patty Lardi cun muffins fatgs tenor in tipic recept dal Peru .... ed els eran fitg buns :-) RTR / Esther Berther

Creschida si è la chantadura sper la mar, pli tard ha ella abità blers onns en la chapitala dal Peru, a Lima. Là lavurava Patty Lardi sco decoratura d'interiurs e chantava en ina gruppa da folclora. Uschia ha ella era emprendì d’enconuscher ses um – in Puschlavin. Lez aveva la lavur manà a Lima.

La finala èn Patty e ses um sa decidids da vegnir en il Grischun. Qua plaschi bain ad ella, la fradaglia d’enviern dentant adina main. Uschia van els mintg’enviern per pliras emnas a Lima.

Patty Lardi da Cuira
Legenda: Patty Lardi en siu curtin a Cuira. La dunna oriunda dal Peru viva dapi 35 onns en il Grischun. RTR / Esther Berther

Patty Lardi è entant disada cun las mentalitads differentas. Ina chaussa ch’ella na chapeschia dentant era suenter 35 onns betg sajan sgnoccas. Quellas na chapeschia ella simplamain betg, e quai vilentia magari ella.

En ses mintgadi è la musica enorm impurtanta per Patty Lardi. Gia a Lima tutgava quella tar ses mintgadi. E musica fa ella anc adina.

Legende: Video Patricia Lardi è dal Peru abspielen. Laufzeit 00:45 Minuten.
Or da RTR dals 14.06.2017.
Legende: Video La chantadura Patty Lardi abspielen. Laufzeit 01:11 Minuten.
Or da RTR dals 14.06.2017.