Siglir tar il cuntegn

Dal lontan el Grischun Jürgen Törkott: «Jau sai m'orientar spert en in auter lieu»

Jürgen Törkott è il schef da Radio Südostschweiz. Emprendì da far radio ha l'um da 48 onns oriundamain en la Germania. El haja adina fatg radio ubain lavurà en la gastronomia. Atgnamain saja quai precis il medem, di l'um che viva a Cuira. Porscher divertiment saja impurtant en tuts dus lieus.

Legende: Audio Bunura: Jürgen Torkott – en Grischun pervia da l'amur abspielen. Laufzeit 4:39 Minuten.
4:39 min, Actualitad dals 27.02.2018.

Il Grischun enconuscha l'um da radio dapi il 1992. Pervia da l'amur era el vegnì lezza giada en il Grischun. Propi sa domicilià è el dentant pir dapi 4 onns. Sco uffant haja el fatg bleras midadas da lieu. Pli tard saja quai restà. Uschia sappia el s'orientar spert en in nov lieu. Tuttina restia el adina esters qua, di Törkott.

Cuira ma plascha fitg ed jau viv gugent qua.
Autur: Jürgen TörkottSchef Radio Suedostschweiz

Ina giada per emna fa il schef oz anc sez radio. «Aussenstelle Schweiz» sa numna l'emissiun. Là fetschia el in cordial bainvegni a tut ils Tudestgs che lavuran en il Grischun – e quai sajan blers manegia el riend.

RR actualitad 07:00