Siglir tar il cuntegn

Dal lontan el Grischun Ils pli blers immigrants vegnan da stadis da l'Europa

En il Grischun vivan 36'618 persunas cun in pass da l'exteriur. Quai correspunda tenor l'administraziun chantunala a radund 19% da la populaziun totala. E quest dumber da la populaziun residenta permanenta è relativ constant ils ultims 5 onns. Cumprais las persunas cun dimora temporara sa tracti da radund 44'000 persunas. La pli gronda part da las persunas da l'ester vegnan da stadis europeics – concret è quai dal Portugal, da la Germania, da l'Italia e da l'Austria.

Danunder ch'ils immigrants èn vegnids en Svizra – e cura – ha midà ferm ils ultims 166 onns. Enturn ils onns 10 e 70 hai dà maximums – e la cumpart da persunas da l'exteriur è tenor l'Uffizi federal per statistica creschida a radund 25% en Svizra. Da questas persunas vegnan la gronda maioritad (80%) da stadis da l'Europa.

Raschuns e motivaziuns per vegnir en il Grischun, ubain era en Svizra, datti differentas. «Dal lontan el Grischun», il link avra en ina nova fanestra raquinta las istorgias.

«Dal lontan el Grischun»

logo da l'acziun RTR dal lontan el Grischun.
Legenda:RTR

RTR è a la tschertga da raschuns e motivaziuns da bandunar la «patria veglia» e sa chasar en la «patria nova» Grischun cun «Dal lontan el Grischun». , il link avra en ina nova fanestra

RR actualitad 11:00