Siglir tar il cuntegn

Dal lontan el Grischun Creaziuns americanas, products svizzers e recepts tschecs

Zuzana Vinzens ha realisà en la citad veglia da Cuira ses siemi cun in agen affar. «Zuzu's» è ina pitschna conditoria che venda oravant tut cupcakes e turtas zunt variadas sin empustaziun. L'idea è naschida cun guardar ina emissiun a la televisiun, raquinta la dunna oriunda da la Tschechia.

Legende: Audio Bunura: Zuzana Vinzens è vegnida en Svizra per lavurar abspielen.
4:28 min, Actualitad dals 28.02.2018.

Per avair perspectivas en la lavur aveva Zuzana Vinzens bandunà avant otg onns sia patria – la Tschechia. Prender cumià da la famiglia e stà grev e n'è anc oz betg simpel. L'emprim na chapiva ella insumma nagut. E cura ch'ins na chapeschia betg la lingua, lura possian ins svelt far sbagls. Cun far curs da lingua è tut sa midà in zichel.

Ils emprims onns è Zuzana Vinzens stada a Turitg, pli tard haja ella dispit vulì vegnir en il Grischun. Ad ella plaschian las muntognas; E tut saja in pau pli quiet. A Cuira ha ella fatg l'enconuschientscha cun ses um. Dapi trais onns èn els maridads. Ed a Cuira ha ella era gì il curaschi da metter en pe in agen affar.

RR actualitad 07:00