Siglir tar il cuntegn

Header

cuntegn

Cunvegna interchantunala Unifitgar ils fatgs d'acquisiziun publics

En Svizra duain tut ils chantuns far las acquisiziuns publicas a la medema moda e maniera. Quai han ils chantuns gia decis avant dus onns. Uss ha la regenza grischuna deliberà la missiva per sa participar a questa cunvegna interchantunala.

Armonisaziun dal dretg d'acquisiziun

A chaschun da lur radunanza speziala ils 15 da november 2019 han ils chantuns deliberà unanimamain la revisiun da la Cunvegna interchantunala davart las acquisiziuns publicas. Cun la revisiun han ils chantuns mess il crap da fundament per armonisar il dretg d'acquisiziun en Svizra.

Vitiers ha la regenza grischuna era deliberà in rapport davart las incaricas da las prestaziuns da servetsch dal chantun – che vegnan surdadas en la procedura directa ed en la procedura d'invit.

Finamira da la revisiun

Finamira principala da la revisiun è dad armonisar, modernisar e flexibilisar il dretg davart surdadas da lavurs e cumpras. Tant il chantun, las vischnauncas sco era la Confederaziun duain en avegnir lavurar tenor ils medems criteris. Plinavant duessan criteris sco persistenza e qualitad survegnir dapli paisa – e betg simplamain il meglier pretsch.

Tematisà en la sessiun da december

Cun realisar questa revisiun da la cunvegna suonda il chantun tranter auter ad ina recumondaziun da sia PUK en connex cun il «Cartel da construcziun». La debatta davart la missiva sco er davart il rapport è previsa en la sessiun da december 2021 dal Cussegl grond.

RTR novitads 12:00

Artitgels legids il pli savens

Scrollar a sanestra Scrollar a dretga