Siglir tar il cuntegn

Header

audio
Per tge vai tar l'acziun da stad?
Or da Actualitad dals 04.07.2022.
laschar ir. Durada: 2 minutas 42 Secundas.
cuntegn

Cun RTR sin viadi Per terra, aua ed aria tras il Grischun e la stad

RTR va questa stad dals 4 da fanadur fin ils 22 d’avust tras il Grischun, per terra, aua ed aria. Nus sgulain si en ils nivels infinits u sfundrain en in lai rinfrestgant. Pendicularas portan nus sin il pli bel piz, e cun il velo filain nus engiu. U nus sesain en in tren avert e girain tras las chavorgias grischunas. E la fin pachetescha RTR il satgados e va da Mustér a Müstair.

La seria da stad 2022 Cun RTR sin viadi tematisescha il tema sin viadi en in vast senn dal pled. Mintg'emna da la stad è deditgada ad in med da mobilitad cun tut sias fassettas:

  1. aviun/sgular: 4 fin 10 da fanadur, cun l'aviun electric, il parasgol e sin la plazza aviatica a Turitg
  2. tren: 11 fin 17 da fanadur, cun Interrail tras l'entira Europa, da viadi cun locomotivist e conductur
  3. bartga/aua: 18 fin 24 fanadur, cun in pedalo tut spezial, en la bartga da riverrafting, al Lai Barnagn sco er als lais da Silvaplana e Segl
  4. auto: 25 fin 31 fanadur, cun ils campers, l'auto da posta Samignun e vacanzas en la Serbia
  5. a pe: prim fin 7 d'avust, da Mustér a Müstair, sin pelegrinadi cun Erwin Caduff e Silvia Schlegel
  6. pendiculara: 8 fin 14 d'avust, cun la pendiculara sco motivaziun per ir a chaminar, la sutgera da Darlux, la mecatronista, ina revisiun da suga, ina pendiculara fitg pitschna e la pendiculara ch'è ina via chantunala
  7. velo: 15 fin 21 d'avust

Sper contribuziuns da radio, televisiun ed online datti pliras occurrenzas en las regiuns dal Grischun. Sco punct culminant spetgan a la fin ils Cuntrasts «Da Mustér a Müstair». Tut las aventuras per terra, en l'aria u sin l'aua chattais era sut rtr.ch/stad.

RTR actualitad / accumpagnament / sil punct

Artitgels legids il pli savens

Scrollar a sanestra Scrollar a dretga