Siglir tar il cuntegn

Header

audio
Schanzas, sfidas e problems per il trio da l'Allianza dal Center
Or da Actualitad dals 14.03.2022.
laschar ir. Durada: 2 minutas 15 Secundas.
cuntegn

Cumbat electoral AdC Tutta paisa sin il trio per la regenza

Tut tenor il motto «ensemen» metta l'Allianza dal Center pais sin il trio che candidescha per la regenza. La fin d'emna ha la partida dal center lantschà il cumbat a Cazas.

Cun Marcus Caduff e Jon Domenic Parolini ch'èn gia en la regenza grischuna e Carmelia Maissen che duess remplazzar Mario Cavigelli,  va l'Allianza dal Center cun in trio en il cumbat per la regenza Grischuna. Els hajan spetgà ditg cun la nominaziun di Gian Michael il co-manader dal cumbat electoral.

Forsa èsi dad ina vart in zic frech dad ir en il cumbat cun in trio.
Autur: Gian Michael co-manader dal cumbat electoral

Dentant haja la populaziun grischuna il dretg sin ina dunna en la regenza. Uschia saja l'AdC sa decidida da candidar cun trais persunas. Il co-president da la partida, Kevin Brunold accentuescha, che Carmelia Maissen cumpletteschia fitg bain il team da trais cun sias experientschas ch'ella haja rimnà sco presidenta communala da Glion e deputada dal Cussegl grond. Il focus vegn cleramain mess sin il team da trais. Quai che correspundia er al motto da la partida «Ensemen».

L'emprima gronda sfida è stada da plazzar tuttas trais persunas sin in placat.
Autur: Gian Michael co-manader dal cumbat electoral

Era saja forsa in zic pli grev da chattar termins cun trais persunas che mo cun ina.  Gian Michael e Kevin Brunold il co-president da la partida èn per ina: Las schanzas che tuts trais vegnian elegids per la regenza sajan realisticas. Sche la pli gronda sfida resta da metter tuts trais candidats sin in placat, vegn a sa mussar sil pli tard mez matg.

RTR actualitad 17:00

Artitgels legids il pli savens

Scrollar a sanestra Scrollar a dretga