Siglir tar il cuntegn
cuntegn

Corrigenda Cunfin tranter Serbia e Croazia è serrà

Pervi da la crisa da fugitivs avevan las autoritads da la Croazia serrà ils cunfins cun la Serbia glindesdi passà. Uss ha er la Serbia annunzià da serrar lur cunfins cun la Croazia.

Fugitivs al cunfin da la Serbia e la Croazia.
Legenda: La Croazia pretenda da la Serbia dad era sviar ils fugitivs sur l'Ungaria e la Rumenia. Keystone

Uss ha la Serbia cumenzà cun la realisaziun: Ella ha scumandà tut ils camiuns croats sco er il commerzi cun products ord la Croazia, ha ditg il minister da l’intern serb. Tut las persunas Serbas sco era autos ord la Serbia na pon il mument betg entrar en Croazia, ha communitgà la polizia da cunfin croata.

Dapi che l’Ungaria aveva serrà lur cunfins cun la Serbia mez settember, emprovan millis fugitivs da cuntanscher il nordvest sur la Croazia.

RR novitads 07:30