Siglir tar il cuntegn

Header

audio
Commentari dal manader ressort actualitad RTR
Or da RTR Audio dals 10.01.2022. Maletg: RTR
laschar ir. Durada: 58 Secundas.
cuntegn

Commentari Consequent e sincer

Sco ils gronds pioniers èn ils Grischuns vegnids celebrads, cura ch’els han introducì avant prest in onn ils tests da massa. En fatschentas ed en scolas èsi vegnì spidà diligentamain en ils cups.

Testar, testar ed anc ina giada testar è stà il credo. Tut quai per interrumper la chadaina d’infecziuns ed uschia franar il virus.

Ed oz han quels ch'èn vegnids celebrads sco pioniers stuì conceder – i na fa betg pli senn.
Autur: Valentin Schmed manader ressort actualitad RTR

Ed oz han quels ch'èn vegnids celebrads sco pioniers stuì conceder: I na fa betg pli senn.

Quai fa mal da stuair capitular. Dentant èsi consequent e sincer. Ils labors èn als cunfins e na vegnan betg da furnir ils resultats aifer in temp raschunaivel. Tge gida quai schon da survegnir in resultat pir 3 u 4 dis suenter avair spidà en il cup?

Era questa giada è il Grischun in dals emprims chantuns che conceda che omicron ha prendì surmaun e na sa lascha betg franar pli. Ulteriurs chantuns vegnan a suandar.

Valentin Schmed

Valentin Schmed

Manader programmaziun RTR

Avrir la boxa da profil Serrar la boxa da profil

Valentin Schmed è vice-schefredactur da RTR e persequitescha dapi onns l'actualitad regiunala, chantunala e naziunala. Sco manader programmaziun è el responsabel per metter accents a media vista en il program da radio, televisiun ed online tar RTR.

RTR novitads 17:00

Artitgels legids il pli savens