Siglir tar il cuntegn

Header

cuntegn

Las fotografias Tramettai Vossas impressiuns

Tge avais Vus, Voss um, figl, biadi u Vossa dunna, mamma, figlia, biadia sajettà durant la chatscha? Qua chattais Voss muments da chatscha.

Tar la chatscha tutga era da far ina fotografia da la preda, da la tegia u da l'atmosfera en muntogna. Laschai prender part nus da Vossas impressiuns da chatscha.

Co trametter fotos

Avrir la box Serrar la box

Vus pudais trametter vossas fotografias via whatsapp sin il numer 079 200 70 07 ubain per mail sin multimedia@rtr.ch.

Il team newsdesk emprova dad adina puspè publitgar Vossas fotos. Vus pudais gidar nus cun inditgar tgi/tge ch'è da vesair sin il maletg e tgi che ha fatg la foto. Grazia fitg!

Voting per la pli bella foto

A la fin da la chatscha fa ina giuria ina preselecziun da tschintg fotografias. Il cumenzament d'october po il public lura tscherner la pli bella foto da la chatscha 2021 en ina votaziun online. La victuras ubain il victur dat RTR enconuschent glindesdi, ils 4 d'october a las 10:15 al radio e sin rtr.ch.

Dretg da fotos – galaria

Avrir la box Serrar la box

Cun trametter fotografias ad RTR essas Vus d’accord che las datas da persunas vegnan duvradas en connex cun la chatscha 2021. Dapli infurmaziuns chattais Vus sut https://www.rtr.ch/dretgs.

Las 5 pli bellas fotos vegnan era publitgadas en il «Chatschadur Grischun».

RTR resalva il dretg da betg publitgar fotografias che n'èn betg degnas a la chatscha ubain a l'animal.

Ils premis

Cun trametter las fotografias avais vus la schanza da gudagnar in bel premi d'ina fatschenta da sport e da vestgadira da chatscha:

  1. bon da 500 francs
  2. bon da 300 francs
  3. bon da 200 francs

Buna fortuna!

RTR chatscha 2021

Artitgels legids il pli savens

Scrollar a sanestra Scrollar a dretga