Siglir tar il cuntegn
Inhalt

Chatscha 2017 Finamira puspè betg cuntanschida – tuttina cuntenta la chatscha

Era quest onn fa l’inspectur da chatscha, Georg Brosi quint cun ina chatscha supplementara. En tge regiuns ch’i vegn a dar quella n'è dentant betg anc cler.

Legende: Video L'emprima bilantscha da chatscha cun Georg Brosi abspielen. Laufzeit 01:59 Minuten.
Or da Telesguard dals 02.10.2017.

Malgrà che las cifras exactas n’èn anc betg avant maun sa Georg Brosi, manader da l’Uffizi da chatscha e pestga, che la finamira da sajettar 5’370 tschiervs n’è betg cuntanschida. Uschia ch’i vegni segir a dar ina chatscha supplementara. Nua n’è dentant betg anc cler. Tuttina discurra Brosi d’ina buna chatsch’auta 2017. La bilantscha da la chatscha da chavriels e tschiervs saja positiva. Quella da chamutschs saja dentant restada quest onn sut la media.

Retegnair la tuberculosa en il Partenz

Ina buna chatscha hajan ins era pudì far en il Partenz. Là han las chatschadras ed ils chatschaders pudì sajettar dapli per evitar che la tuberculosa sa derasia. Tenor l’inspectur da chatscha saja quai gartegià.

Dus mortoris durant la chatscha

Era quest onn hai dà singuls accidents da chatscha. Uschia accidents cun blessads ma era dus cas mortals. Quels sajan dentant plitost da manar enavos sin malsognas u flaivlezzas dals chatschaders.

Las proximas duas enfin trais emnas rimna l'Uffizi da chatscha e pestga tut las cifras e datas e decida sin fundament da quellas en tge regiuns ch'ina chatscha supplementara fa basegn.

RR actualitad 17:00