Siglir tar il cuntegn

Chatscha 2015 Il Radio Rumantsch tschertga la preda 2015

Mintgamai las 10:30 tschertga il Radio Rumantsch live per telefon durant ils 21 dis da chatsch'auta in dals animals ch'ins po sajettar. Mintga di mo in animal e mo in da quels che n’è anc betg vegnì annunzià. Mintgin po annunziar be in animal ed era il chatschadur po vegnir annunzià mo ina giada.

In chatschader che porta in chavriel sajettà.
Legenda: Chatschader cun sia preda. RTR

Michael Moser è il victur da la patenta

Il guardiaselvaschina Armando Janett ha tratg la sort per la patenta da chatscha 2016.
Legenda: Il guardiaselvaschina Armando Janett ha tratg la sort per la patenta da chatscha 2016. RTR

Or da tut ils chatschaders ch'èn vegnids numnads ha il guardiaselvaschina Armando Janett lura tratg ora il victur da la patenta da chatsch’auta 2016 ch’ha la valita da 700 francs. La patenta sponsurisada da la Banca Raiffeisen Surselva ha Michael Moser da Zignau gudagnà.

  • In tschierv da curuna.
    Legenda: In tschierv da curuna. P. Vonow

    Tschierv da curuna da mintga vart (10 e 11 da settember 2015)

    Arno Casanova da Siat ha sajettà ils 10-09 a las 06.50 sin l'alp da Siat in tschierv da curuna da mintga vart.

  • In tschierv da 10.
    Legenda: In tschierv da 10. P. Vonow

    Tschierv da 10

    Ils trais da settember ha Damian Cadotsch da Savognin sajettà in tschierv da diesch a Mulegns a las 07:00.

  • In tschierv da 8.
    Legenda: In tschierv da 8. P. Vonow

    Tschierv da 8

    Werner Giger da Platta en Val Medel ha sajettà ils 3 da settember la damaun curt suenter las nov sur Platta in tschierv da 8.

  • In tschierv da 6.
    Legenda: In tschierv da 6. P. Vonow

    Tschierv da 6

    Angelo Vincenz da Mustér ha sajettà ils 7 da settember a las 18:05 en la Val Uors in tschierv da 6.

  • In tschierv furtget (gabler) en la naiv.
    Legenda: Tschierv furtget (Gabler). B. Bischoff

    Tschierv furtget (Gabler)

    Corsin Capeder da Duin ha sajettà ils 6 da settember in tschierv furtget sin il territori da Duin (val tranter Duin e Camuns).

  • In tschierv lantschet.
    Legenda: In tschierv lantschet. P. Vonow

    Tschierv lantschet (Spiesser)

    Ils 12 da settember ha Kevin Caduff da Laax sajettà en la Val Sumvitg in tschierv lantschet.

  • Ina vatga tschierv.
    Legenda: Ina vatga tschierv. P. Vonow

    Tschierva (vatga-tschierv)

    Ils 6 da settember, da las siat l'endamaun, ha Patric Truog da Laax sajettà sur Ruschein ina tschierva (vatga-tschierv).

  • In chavriel da 6.
    Legenda: In chavriel da 6. P. Vonow

    Chavriel da 6 e dapli roms

    Ivan Steiner da Laax ha sajettà ils 6 da settember, da las 07:45 tranter Laax e Falera, in chavriel da 6 e dapli roms.

  • In chavriel furtget.
    Legenda: In chavriel furtget. P. Vonow

    Chavriel furtget (Gabler)

    Isidor Jäger da Sur ha sajettà ils 04-09-2015 sin il territori da Marmorera in chavriel furtget.

  • In chavriel lantschet.
    Legenda: In chavriel lantschet. P. Vonow

    Chavriel lantschet (Spiesser)

    Ils 5 da settember ha Michael Moser da Zignau sajettà a Patrus sper Zignau in Chavriel lantschet (Spiesser).

  • Ina chaura chavriel.
    Legenda: Ina chaura chavriel. P. Vonow

    Chaura chavriel

    Gian Luca Strimer d'Ardez ha sajettà ils 4 da settember en Val Nuna da las 19:40 ina Chaura chavriel.

  • In buc-chamutsch starnigl dad 1 1/4 onns.
    Legenda: In buc-chamutsch starnigl dad 1 1/4 onns. R. Giger

    Buc-chamutsch starnigl (buc da tgira 1 ¼ onns)

    Ils 4 da settember ha Martin Giusep Capaul da Lumbrein sajettà in Buc-chamutsch starnigl a Curtira.

  • In buc-chamutsch da racolta.
    Legenda: In buc-chamutsch da racolta. R. Giger

    Buc-chamutsch da racolta (Erntebock) (2 ¼ onns e pli vegl)

    Remo Manetsch da Mustér ha sajettà ils 6 da settember in buc-chamutsch da racolta (Erntebock).

  • In buc-chamutsch da tgira (Hegebock) maglia en ina spunda.
    Legenda: Buc-chamutsch da tgira (Hegebock). B. Bischoff

    Buc-chamutsch da tgira (Hegebock)

    (2 ¼ onns sut 21 kg ubain 3 ¼ onns e pli vegl sut 23 kg) Meinrad Cadruvi da Ruschein ha sajettà sin l’alp da Schnaus in Buc-chamutsch da tgira (Hegebock).

  • Ina chaura-chamutsch da 1 1/4 onns.
    Legenda: Ina chaura-chamutsch da 1 1/4 onns. R. Giger

    Chaura-chamutsch starniglia (1 ¼ onns)

    Flurin Nef da Ramosch ha sajettà ils 3 da settember a las 7:30 en la Spadazun regiun Valsot ina chaura-chamutsch starniglia (1 ¼ onns)

  • Ina chaura-chamutsch da 2 1/4 onns.
    Legenda: Ina chaura-chamutsch da 2 1/4 onns. R. Giger

    Chaura-chamutsch (2 ¼ onns)

    Remo Veraguth da Vuorz ha sajettà ils 09-09 a las 17.00 sin l'alp Dadens (territori da Vuorz) ina chaura-chamutsch 2 1/4 onns.

  • Ina chaura-chamutsch da 3 1/4 onns.
    Legenda: Ina chaura-chamutsch da 3 1/4 onns. P. Vonow

    Chaura-chamutsch (3 ¼ onns e pli veglia)

    Sämy Schäfli da Puntraschigna ha sajettà ils 07-09-2015 sin il territori da Ramosch ina chaura-chamutsch.

  • Ina muntanella.
    Legenda: Ina muntanella. Keystone

    Muntanella

    Roland Tschuor da Rabius ha sajettà ils 8 da settember ina muntanella.

  • In portg selvadi.
    Legenda: In portg selvadi. P. Vonow

    Portg selvadi

  • Ina vulp.
    Legenda: Ina vulp. P. Vonow

    Vulp

    Ils 6 da settember ha Jon Morell da Guarda, la saira da las 19:00 en il territori da Guarda, sajettà ina vulp.

  • In tais.
    Legenda: In tais. Keystone

    Tais

    Robbi Corrado da Zuoz ha sajettà ils 21-09 en la Val Rudà in tais.

Otto Bass – il victur da la patenta da chatscha dal onn passà

Passa 5500 chatschadurAs èn actualmain a chatscha en il Grischun. RTR ha vistià Otto Bass (38) da Rabius che ha gudagnà l’onn passà la patenta da chatscha entras il Radio Rumantsch. El ha anc en buna memoria ch’el ha respundì al telefon ed udì ils pleds: «Otto, Vus haveis gudignau la patenta da catscha!».

Otto Bass ch'ha gudagnà l'onn passà la patenta da chatscha.
Legenda: Grazia a sia mamma va Otto Bass quest onn gratuit a chatscha. RTR, I. Orlik