Il chapitel catedral da Cuira è puspè cumplet. L'uvestg Joseph Maria Bonnemain ha installà venderdi sis novs canonis. Ils en tut ventgasis canonis sustegnan l'administraziun da l'uvestgieu ed elegian era in nov uvestg.
Cumenzament d'in nov chapitel
La festa ha gì lieu en la baselgia principala da luvestgieu da Cuira ed era purtada d'ina armonia sentibla. Cun l'installaziun dals sis novs canonis cumenzia in nov chapitel, ha communitgà l'uvestgieu. Il chapitel catedral saja dapli che be ina persuna giuridica, dapli ch'in gremi, dapli ch'in collegi, menziunescha uvestg Bonnemain. Pli baud vegnivan els numnadas «Fratris Episcopi», frars da l'uvestg, e questa colliaziun stoppian ins transmetter. Quai vegnia lura era remartgà dals cartents.
L'installaziun dals sis canonis ha gì lieu en il Rittersaal a la curia da Cuira. Da sanester: Wilhelm Wolf (Küsnacht), Adrian Lüchinger (Horgen), Luis Varandas (Turitg), uvestg Joseph Maria Bonnemain, Albert Fischer (Cuira), Jürg Stuker (Cuira) e Daniel Krieg (Altdorf).
Ord l'archiv
Papa Francestg ha elegì il favrer 2021 il delegà da l'administratur apostolic, Joseph Bonnemain, sco nov uvestg da Cuira.