Las bursas internaziunalas han reagì sin la decisiun da l'Institut d'emissiun american «Fed» d'auzar il tschains directiv.
En Svizra era l'SMI da mezdi cun 8777 puncts per 2% pli aut che la damaun. En Germania è il DAX creschì per 2,7%.
Er il Dow Jones a Nex York ed il Nikkei a Tokyo han reagì positiv e nudà cleramain in plus. Il Dow Jones è creschì per 1,28%. Il Nikkei per 1,59%.
Ier aveva l'Institut d'emissiun american auzà il tschains directiv per l'emprima giada dapi bunamain 10 onns. Ils tschains a curt termin ha el auzà da 0,25 sin 0,5%.
RR novitads 14:00