Siglir tar il cuntegn

Header

video
Shakshuka cun spargias
Or da Battaporta dals 29.03.2020.
laschar ir. Durada: 2 minutas 35 Secundas.
cuntegn

Lunch cun Livio Shakshuka cun spargias

Sche era ti na sas gia uss betg pli tge cuschinar a chasa, lura avain nus intginas propostas per tai. Oz ina tratga oriunda da l’Africa dal Nord che deriva pia da la cuschina araba.

Quai dovras ti per cuschinar per 2 persunas:

  • Ieli d’ulivas
  • 500g spargias
  • 1 conserva tomatas manizzadas
  • In zic puletg alv (Kreuzkümmel)
  • In zic sal
  • 75g spinat
  • 4 ovs

Uschia fas ti la Shakshuka (temp da cuschinar activ: 35 minutas)

Stgaudar ieli en ina chazzetta. Brassar las spargias ca. 5 min. Dar tiers las tomatas e las spezarias e laschar cuschinar per 5 minutas. Dar tiers il spinat.

Furmar 4 foppas en la chazzetta. Sfratgar ils ovs en las foppas e laschar cuschinar 9 minutas. Ensalar ils ovs e servir.

Tip: enstagl da spargias pos era prender auters legums, sco per exempel peperonis.

Las foppas en la Shakshuka cun ils ovs.
Legenda: Las foppas en la Shakshuka cun ils ovs. RTR

Artitgels legids il pli savens