Siglir tar il cuntegn

Header

video
Petta flambada cun figs
Or da Battaporta dals 02.04.2020.
laschar ir
cuntegn

Lunch cun Livio Petta flambada cun figs

Sche era ti na sas gia uss betg pli tge cuschinar a chasa, lura avain nus intginas propostas per tai. Oz ina petta flambada: super simpel, super delicious! Atgnamain na datti strusch cunfins per tia creativitad, tge che pertutga las ingredienzas.

Quai è ina proposta per ina petta flambada cun figs e schambun criv.

Quai dovras ti per cuschinar per 2 persunas (2 pastas)

  • 2 pastas per pettas flambadas (sche ti has peda da far sez, googlescha!)
  • 50g crème fraîche
  • In zic paiver
  • 1 tschagula
  • 100g schambun criv
  • 6 figs
Quai dovras ti per la petta flambada.
Legenda: Quai dovras ti per la petta flambada. RTR

Uschia fas ti tia petta flambada (temp da cuschinar activ: 20 minutas)

Stgaudar il furn sin 240 grads aria circulanta. Far rusnas pitschnas en la pasta e reparter la crème fraîche. Tagliar la tschagula e reparter sin la petta. Tagliar ils figs en rudellas e reparter ensemen cun il schambun sin la petta. Silsuenter metter la petta en il furn sin l’auzada la pli bassa per 15 minutas.

Tip: enstagl da figs e schambun pos ti era metter autras bunas chaussas sin la petta - tia creativitad n’ha nagins limits!

La petta flambada finida.
Legenda: La petta flambada finida. RTR

Co chattas il recept? Trametta a nus ina fotografia sche era ti has cuschinà il recept! Via Instagram, Facebook u via mail sin social@rtr.ch, il link avra en ina nova fanestra