Es Ti interessà vid ina lavur en ina chasa da medias? Es vid ponderar da midar professiun u vuls simplamain guardar, tge differentas professiuns che RTR porscha? Lura visita nus durant il FIUTSCHER 2016. RTR preschenta las differentas plazzas da lavur e las pussaivladads da scolaziun e furmaziun.
Lavurar sco schurnalist
Sin il stan da RTR pon ins far sez ina contribuziun da film. Quella pon ins prender a chasa e parter cun amis e collegas. La sfida è da far in’intervista cun il champiun olimpic Nino Schurter.
Tut tgi che fa ina contribuziun sa participescha a nossa concurrenza ed ha la pussaivladad da gudagnar in tricot original u in di cun Nino Schurter cun velo.
Vegnir en contact
Las emprendistas ed ils stagiaires da RTR èn avant lieu e decleran, co in emprendissadi u praticum tar RTR guarda ora. Medemamain pon els sclerir las dumondas avertas ed infurmar, co ch’ins po daventar emprendist, praticanta u collavuratur tar RTR.