Dal lontan el Grischun - Da Corfu a Zuoz – i dat era bleras parallelas
Jeff Lleshi viva dapi 15 onns a Zuoz. L'Engiadina saja daventada cun ils onns sia patria. Ord ses hobi ha l'um da la Grezia en il decurs dals onns fatg sia professiun. En sia gallaria a Zuoz preschenta Jeff Lleshi ses art. Mobiglias e sculpturas fatgas da lain da grava.
Jeff Lleshi è creschì si a Corfu en in pitschen vitg, cun la racolta dad ulivas, la pestga e la natira. El vesa bleras parallelas tranter sia patria en Grezia e la nova patria en l'Engiadina.
audio
Bunura: Dal lontan el Grischun – Jeff Lleshi
04:06 min, ord Actualitad dals 02.03.2018.
laschar ir. Durada: 4 minutas 6 Secundas.
Là ha el pudì realisar in siemi. Da ses hobi ha el fatg sia professiun. En sia gallaria a Zuoz venda el oz art ch'el ha fatg da laina da grava. Laina da la Grezia e laina da l'Engiadina. Uschia sa sentia el fitg bain en la gallaria. Material dad omaduas patrias.
Vegnì en l'Engiadina è Jeff Lleshi, perquai ch'el è s'inamurà. Ensemen cun sia dunna ha el vivì ils emprims dus onns en Svizra ed en Grezia. Ma insacura saja stà da sa decider.