Rumantsch, what else? - Purtar il hashtag #rumantsch en il mund
Segund di da la conquista: Noss redacturs che vulan far la Svizra pli rumantscha èn oz sin via a Lucerna, cun els in grond placat cun il messadi «#rumantsch, what else?»
La Kappelbrücke a Lucerna è segir e franc in dals sujets ils pli savens fotografads da la Svizra. Perquai han noss trais redacturs, en viadi quest'emna per mussar al rest da la Svizra che nus na dastgain betg vegnir emblidads, pensà da nizzegiar quest fatg cun «bombar» las numerusas fotografias che vegnan fatgas mintga di da la punt renumada.
audio
Saira: Rumantsch, what else? emprova ses cletg tar turists a Lucerna
02:00 min, ord Actualitad dals 09.10.2018.
laschar ir. Durada: 2 minutas.
audio
Mezdi: Ils turists a Lucerna han gust dals Rumantschs
04:30 min, ord Actualitad dals 09.10.2018.
laschar ir. Durada: 4 minutas 30 Secundas.
audio
Bunura: Emprimas reacziuns sin il hashtag rumantsch a Lucerna
02:49 min, ord Actualitad dals 09.10.2018.
laschar ir. Durada: 2 minutas 49 Secundas.
audio
Bunura: Rumantsch, what else? – Program da mardi
03:10 min, ord Actualitad dals 09.10.2018.
laschar ir. Durada: 3 minutas 10 Secundas.
Cun in grond placat cun si il #rumantsch ed il messadi «rumantsch, what else?» siglian els davant las fotografias ed emprovan da persvader ils turists da lura er far in post da las fotografias cun il hashtag «rumantsch».
Ils bratschlets e lur novs amis
Nus n'avain betg mo repartì il hashtag, mabain era noss bratschlets d'amis che bleras scolaras e scolars en il Grischun han fatg.
Ils bratschlets d'amis
Visitas nunspetgadas
Il mardi en damaun avain nus survegnì tut surprendentamain in telefon dals collegas dal Regionaljournal Zentralschweiz. Els avessan gust da rapportar da noss'acziun han els ditg, Ed uschia han els visità nus tar la Kapellbrücke.