Siglir tar il cuntegn
Inhalt

Acziun da stad En la chanalisaziun da Cuira

En istorgias d'aventura aud'ins magari da crocodils ubain zups secrets da gangsters en chanalisaziuns – Tgi sa tge che nossa reportra, Sabrina Bundi chatta en la chanalisaziun da Cuira.

130 kilometers lunga è la chanalisaziun da la citad da Cuira - 170 kilometers èn anc da privats. Dentant mo bun quatter da quels 130 kilometers èn auts e lads avunda, per che umans pon ir a pe atras. Pia mo quatter kilometers èn chanalisaziun, sco quai ch'ins metta avant ella – stgira, stretga e qua e là in ratun. La gronda part èn bischens pli pitschens en ina rait spessa che finescha en la serenera.

In Mekka per ratuns

Ed er a Cuira dat quai ratuns en la chanalisaziun. Qua sa sentan els bain, la temperatura è la dretga e cunzunt: I dat da magliar. Perquai na duess ins betg bittar restanzas dal da mangiar en la tualetta - dapli da mangiar, dapli ratuns. Dentant ils ratuns n'èn betg ils sulets animals en la chanalisaziun, er rustgs e raunas sa sentan bain qua.

RR actualitad 08:00