Siglir tar il cuntegn
cuntegn

Acziun da stad En la baselgia S. Martin a Ziràn

La baselgia da S. Martin a Ziràn è enconuschenta sin l'entir mund pervi da ses palantschieu sura picturà. Construida è ella vegnida il cumenzament dal 12avel tschientaner. Lura èn er ils maletgs vegnids stgaffids.

Nossa reportra Prisca Bundi n'è anc mai stada en la baselgia da S. Martin a Ziràn. E quai malgrà che quella baselgia è enconuschenta sin l'entir mund pervi da ses palantschieu sura picturà. In palantschieu or da l'epoca da la romantica auta. El consista ord 48 quadrets da l'ur e 105 quadrets da l'intern. Ils quadrets da l'ur mussan sulet scenas cun aua. Tranter auter er monsters da la mar e maletgs cun bastiments. Sper quai ves'ins er maletgs dad anghels ed er scenas da la vita da Jesus.

RR actualitad 11:00