SRG.R online
La SRG.R è la societad purtadra da l’interpresa Radiotelevisiun Svizra Rumantscha (RTR). Ensemen cun las societads purtadras da la Svizra tudestga (SRG.D), Svizra taliana (CORSI) e Svizra franzosa (RTSR) furma ella la societad SRG SSR. La SRG.R represchenta la Svizra rumantscha en il sectur radio, televisiun e multimedia e procura cun sia unitad d’interpresa RTR per ils programs rumantschs. Ella ha passa 1000 commembras e commembers. La commembranza è averta a tut las persunas.