Siglir tar il cuntegn

SRG.R SRG.R - SRG SSR Svizra Rumantscha

Sut il num SRG SSR Svizra Rumantscha (SRG.R) exista in’uniun en il senn dad art. 60 ss. dal Cudesch civil svizzer. L’uniun ha sia sedia a Cuira. Ella è commembra da la Societad Svizra da Radio e Televisiun (SRG SSR) ed ina societad commembra da la SRG Deutschschweiz SRG.D.

Sez principal da la SRG SSR a Berna
Legenda: Sez principal da la SRG SSR a Berna SRG

La SRG.R è la societad purtadra da l’interpresa Radiotelevisiun Svizra Rumantscha (RTR). Ensemen cun las societads purtadras da la Svizra tudestga (SRG.D, il link avra en ina nova fanestra), Svizra taliana (CORSI, il link avra en ina nova fanestra) e Svizra franzosa (RTSR, il link avra en ina nova fanestra) furma ella la societad SRG SSR, il link avra en ina nova fanestra. La SRG.R represchenta la Svizra rumantscha en il sectur radio, televisiun e multimedia e procura cun sia unitad d’interpresa RTR per ils programs rumantschs. Ella ha passa 1000 commembras e commembers. La commembranza è averta a tut las persunas.