Incumbensa e strategia
RTR ha l'incumbensa da garantir il service public audiovisual per la Svizra rumantscha. Las activitads sa basan sin la Constituziun federala, la Lescha federala davart radio e televisiun (LRTV), l'Ordinaziun davart radio e televisiun (ORTV), la concessiun da la SSR e sin ils statuts da SRG.R.
Legenda da maletgs: Incumbensa e strategia Dreamstime
RTR ademplescha in'incumbensa sociala sin basa da la constituziun, da la lescha e da la concessiun e survegn per quella daners da la taxa da radio e televisiun. Quella taxa vegn incassada da la Billag per l'incumbensa da la Confederaziun. Tge incumbensas che RTR ha d'ademplir en il rom da sia incumbensa regleschan la Lescha federala davart radio e televisiun (LRTV) e – detagliadamain – l'ordinaziun correspundenta e la concessiun:
RTR sto en pli ademplir pretensiuns spezialas da la qualitad e da l'etica en ses programs per sa distinguer dals purschiders commerzials.
Las activitads, l'organisaziun e la finanziaziun da RTR vegnan principalmain definidas da la Confederaziun e survegliadas da l'Uffizi federal da communicaziun (Ufcom). RTR na po pia betg agir libramain. En il rom che la lescha e la concessiun furman è ella però independenta. Questa ordinaziun da l'independenza da radio e televisiun è fixada en la Constituziun federala. Nagin, era betg deputads da la politica u da l'administraziun federala, na po intervegnir en la lavur redacziunala da las medias ed uschia er en la lavur redacziunala da RTR.