L’onn dal program – l’onn da las narraturas e dals narraturs
«Taidlas bler – vesas cler» – cun quest slogan ha RTR propagà sia offerta audiovisuala e multime diala, mettend paisa spezialmain sin il program dal Radio Rumantsch. Quel avain nus concepì da nov en il decurs da l’onn 2011 ed ils 30 da schaner 2012 ha el gì sia premiera. Il vectur da radio è anc adina derasà fi tg bain, el cuntanscha audituras ed auditurs a chasa, en il plaz da lavur, en l’auto, en posts publics. Sco vehichel per transportar infurmaziun, furmaziun, divertiment e musica è el anc adina indispensabel. Indispensabel era per la Svizra rumantscha: El ha sia valita socioculturala, gea sociopolitica.
Narrativ – flexibel – actual:
Quai ils chavazzins che han inditgà la natira dal nov program.
Dar dapli spazi al raquintar, metter l’actualitad en connex, debattar ed analisar: quai las fi namiras grondas dal nov program.
Il rom furmal per pussibilitar questa fi namira: structuras pli fl exiblas ed emissiuns d’actualitad pli lungas. Per dir cun auters pleds: Vials d’actualitad enstagl da magazins d’infurmaziun, emissiuns da pled (Marella, Forum, Palaver, Cultura, Vita e cretta, Profil) programmadas en plazs attractivs per in vast public.
Cun quest concept essan nus ids ina via innovativa. Nus avain prendì cumià d’in radio schematisà, sco quai ch’el è vegnì creà avant 20–30 onns: in zic musica, in zic moderaziun, in zic infurmaziun, in zic gieus cun il public. En vista a la purschida audiovisuala dad oz sin plirs vecturs (internet) duai il radio metter accents, far evident las chaussas ed ils fatgs, declerar svilups, explitgar connexs, metter a lieu schabetgs, trair l’artg tar fenomens parentads. Quai è in concept preRTR – l’interpresa 3 tensius. RTR è stà conscient: Pir l’expe rientscha, il mintgadi redacziunal, ils process da lavur e l’accep tanza tar il public vegnan a mussar nua ch’il program passa il test cun la realitad e nua che nus
stuain far adattaziuns. Ina refl exiun interna permanenta ha perquai accumpagnà la lavur, au - di turas ed auditurs han reagì, il Cussegl dal public da la SRG.R ha analisà repetidamain il program.
Svilups e novaziuns era en il program da la televisiun: L’emissiun da la dumengia (Cuntrasts) cun divers formats e cuntegns (fi lms documentars, magazin politic, discurs), il Telesguard sco lieu da referenza per esser infurmà
sur da la Svizra ruman tscha, il Grischun ed il spazi alpin ed il Minisguard, quell’emissiun emnila per in public giuven. Gist il Mini sguard mussa il dun creativ che regia en las redacziuns da RTR.
La statistica mussa era quest onn: L’off erta multimediala da RTR ha adina dapli utilisaders. Uschia è la pagina rtr.ch daventada in vair vectur che cuntegna contribuziuns d’audio, video e text. Senza stuair esser profet:
L’avegnir multimedial – e digital – daventa anc pli impurtant.
2012 ha RTR organisà e realisà diversas acziuns spezialas tant per il program (per numnar: Chant au tour, ils 5 concerts en 5 diff erents lieus cun musicistas e musicists rumantschs u per savair dapli: la pagina Dossier sin rtr.ch mussa la vasta purschida),
sco era per l’interpresa sco tala: visitas da diff erentas gruppas en chasa RTR (vischnancas, persunas dal Grischun en posiziunsclav,
represchentantas e represchentants dal turissem e da l’economia, scolas, clubs da service). En tut han varga 1000 persunas visità nossa chasa.
RTR Radiotelevisiun Svizra Rumantscha è oz la chasa da medias da la Svizra rumantscha. Ulteriuramain ha ella ina funcziun evidenta
sco animatura da la societad rumantscha, a moda particulara sin il sectur cultural, ma era sco punct da cristallisaziun ed
identifi caziun da la populaziun rumantscha.
Questa funcziun dubla: l’incum bensa sco chasa da medias da la SRG SSR per la Svizra rumantscha e sia rolla socioculturala e
sociopolitica ademplin nus gugent e cun plaschair, en favur da programs audiovisuals e multimedials attractivs e fatgs bain per
noss public.