Co funcziuna quai da far radio? Tge stoss jau far per daventar ina moderatura da televisiun? Jau vuless far insatge cun multimedia. Ina massa dumondas – RTR dat las respostas.
Formular per dumondas
Il pli impurtant però ordavant: daventar schurnalist da radio, moderatura da televisiun u um da camera n’è betg in emprendissadi «normal» sco p.ex. emprender informaticher u electricist. Las professiuns schurnalisticas u tecnicas èn ina segunda professiun, vul dir ch’ins fa avant in emprendissadi u ina scolaziun e pir suenter vegn ins p.ex. schurnalist u moderatura.
Purschidas per uffants
Legenda: Guidas atras la chasa Scolaras e scolars visitan RTR RTRGuidas atras la chasa
Dar in sguard davos las culissas da RTR e guardar co ch’i vegn fatg radio, televisiun e multimedia? Persuna da contact: Erwin Ardüser, referent servetschs centrals, 058 136 30 44 u erwin.ardueser(at)rtr.ch.
Legenda: RTRDi dal futur 2022
En il rom dal di naziunal dal futur survegnan scolaras e scolars da la 5 fin 7avla classa invista en il mund da la chasa da medias e pon guardar co ch’i funcziuna da far radio, tv, online/social media ubain era dar in sguard sin las professiuns tecnicas, administrativas u da marketing ed events. Persuna da contact: Tanja Derungs, 058 136 30 87 u stab.program(at)rtr.ch.
Legenda: Scriver è cool Scriver è cool RTRScriver è cool
Scriver è cool. Registrar l’istorgia u il gieu auditiv anc dapli! RTR s’adressescha mintgamai la primavaira a tut las scolas rumantschas / bilinguas per far attent sin la purschida “scriver è cool”. Mintg’onn vegnan resguardadas tranter 4 fin 6 classas che pon registrar las istorgias en il studio da radio a Cuira. Persuna da contact: Claudia Cathomen, 058 136 30 68 u claudia.cathomen(at)rtr.ch.
Legenda: Pass da vacanzas Pass da vacanzas Pro Juventute GRPass da vacanzas
RTR porscha mintga stad in program per il pass da vacanzas. Las differentas secziuns da la Pro Juventute pon s’annunziar tar RTR per fixar il program. Persuna da contact: Andrina Caprez, assistenta da la direcziun, 058 136 30 21 u andrina.caprez(at)rtr.ch.
Legenda: Fufragnadi schurnalissem Fufragnadi – emprendissadi da prova RTRFufragnadi schurnalissem – emprendissadi da prova
Nus purschain gugent in’invista tar RTR da singuls dis: quai po esser en il sectur commerzial u tecnic, ma era en ina da las differentas redacziuns da radio / tv / online. Dapli infurmaziuns chattas sutvart cun smatgar sin il link.