Siglir tar il cuntegn
Inhalt

Trampolin - uffants e medias Trampolin – uffants/giuvenils e medias

RTR avra las portas ad uffants e giuvenils. Cun diversas purschidas pon uffants e giuvenils (da 6 enfin 18 onns) guardar davos las culissas d’ina chasa da medias.

Uffants fan ina visita el studio da RTR
Legenda: Uffants e medias RTR

Co funcziuna quai da far radio? Tge stoss jau far per daventar ina moderatura da televisiun? Jau vuless far insatge cun multimedia. Ina massa dumondas – RTR dat las respostas.

Il pli impurtant però ordavant: daventar schurnalist da radio, moderatura da televisiun u um da camera n’è betg in emprendissadi «normal» sco p.ex. emprender informaticher u electricist. Las professiuns schurnalisticas u tecnicas èn ina segunda professiun, vul dir ch’ins fa avant in emprendissadi u ina scolaziun e pir suenter vegn ins p.ex. schurnalist u moderatura.

Purschidas per uffants

  • Scolaras e scolars visitan RTR
    Legenda: Guidas atras la chasa Scolaras e scolars visitan RTR RTR

    Guidas atras la chasa

    Dar in sguard davos las culissas da RTR e guardar co ch’i vegn fatg radio, televisiun e multimedia? Persuna da contact: Andrina Caprez, assistent da la direcziun, 081 255 75 75 u andrina.caprez(at)rtr.ch.

  • Uffants el studio da RTR
    Legenda: Di dal futur 2016 Di dal futur 2016 RTR

    Di dal Futur

    Vuls Ti esser durant in di schurnalista u schurnalist? En il studio a Cuira pos Ti far las emprimas experientschas ed emprender ad enconuscher las differentas professiuns che RTR porscha. Persuna da contact: Prisca Bigliel, tutora, 081 255 75 75 u prisca.bigliel(at)rtr.ch. Nus essan cumplets – il dumber limità da 10 persunas è gia cuntanschì.

  • Logo scriver è cool
    Legenda: Scriver è cool Scriver è cool RTR

    Scriver è cool

    Scriver è cool. Registrar l’istorgia u il gieu auditiv anc dapli! RTR s’adressescha mintgamai la primavaira a tut las scolas rumantschas / bilinguas per far attent sin la purschida “scriver è cool”. Mintg’onn vegnan resguardadas tranter 4 fin 6 classas che pon registrar las istorgias en il studio dal Radio Rumantsch a Cuira. Persuna da contact: Claudia Cathomen, referenta program, 081 255 75 75 u claudia.cathomen(at)rtr.ch.

  • Logo Pro Juventute
    Legenda: Pass da vacanzas Pass da vacanzas Pro Juventute GR

    Pass da vacanzas

    RTR porscha mintga stad in program per il pass da vacanzas. Las differentas secziuns da la Pro Juventute pon s’annunziar tar RTR per fixar il program. Persuna da contact: Andrina Caprez, assistenta da la direcziun, 081 255 75 75 u andrina.caprez(at)rtr.ch.

  • Logo Fiutscher
    Legenda: Fiutscher Fiutscher Fiutscher

    FIUTSCHER 2018

    RTR è puspè preschent dals 14 fin ils 18 da november 2018 a l’exposiziun da professiun grischuna per scolaziun e furmaziun FIUTSCHER. Nus envidain Tai en il mund da medias e laschain Ta sentir sco ina schurnalista u schurnalist. Persuna da contact: Daniel Wasescha, responsabel resursas umanas e contabilitad, 081 255 75 75 u daniel.wasescha(at)rtr.ch. Link sin la pagina uffiziala: http://www.fiutscher.ch/

  • Fufragnadi – emprendissadi da prova
    Legenda: Fufragnadi schurnalissem Fufragnadi – emprendissadi da prova RTR

    Fufragnadi schurnalissem – emprendissadi da prova

    Nus purschain in program sin mesira dad 1 fin 2 dis per vegnir en contact cun las differentas professiuns schurnalisticas, sco p.ex. moderatura, reporter, schurnalista online, redactur multimedia. Persuna da contact: Prisca Bigliel, tutora, 081 255 75 75 u prisca.bigliel(at)rtr.ch.

  • plazza da lavur
    Legenda: Fufragnadi mercantil/informatica Tar RTR pon ins far l’emprendissadi mercantil u l'emprendissadi d'informatica. Keystone

    Fufragnadi mercantil / informatica – emprendissadi da prova

    Tar RTR pon ins far l’emprendissadi mercantil u l'emprendissadi d'informatica. Persuna da contact: Daniel Wasescha, responsabel resursas umanas e contabilitad, 081 255 75 75 u daniel.wasescha(at)rtr.ch.