Siglir tar il cuntegn

Header

cuntegn

Occurrenzas RTR per e cun Vus a la festa da vin a Malans

Flanar tras il martgà, giudair ils vins regiunals en ils torchels e tadlar musica populara – igl è puspè temp da festa da vin. Uschia sa scuntra il Grischun la fin d’emna dals 21 e 22 da settember a Malans. Era da la partida: la Microlotta da RTR.

En il vitg Malans sa preschenta questa fin d’emna, ils 21 e 22 da settember 2019, la chasa da medias rumantscha cun la Microlotta, l’auto che porta RTR a diversas occurrenzas en las regiuns. Ella porscha a grond e pitschen ina survista multifara da la lavur quotidiana da RTR e da la purschida per famiglias ed uffants.

Tge spetga Vus durant la festa da vin a Malans? Tar il stan da RTR pudais Vus tranter auter s’infurmar davart il project «Missiun B – per dapli biodiversitad». Cun il project vulain nus sensibilisar la populaziun sin il tema, stgaffir conscienza e prestar ensemen cun il public ina contribuziun per dapli surfatscha biodiversa en Svizra.

Uschia faschain nus ensemen cun Vus cullas da sems, testain Vossa savida en connex cun la biodiversitad e mussain a Vus nossa purschida da radio, online e televisiun.

cura: 21 e 22-09-2019 , 11:00 - 18:00

nua: Malans

tge: cullas da sems, quiz biodivers, filmins e concurrenza

Nus ans legrain gia oz da Vossa visita!

Artitgels legids il pli savens