Tranter auter pudais Vus s’infurmar davart il project «Missiun B – per dapli biodiversitad». Cun il project vulain nus sensibilisar la populaziun davart il tema, stgaffir conscienza e prestar ensemen cun Vus ina contribuziun per dapli surfatscha biodiversitara en Svizra.
Ensemen cun Vus faschain nus cullas da sems, uschia che Vus pudais plantar questas en Voss agens curtins. Plinavant avais Vus la pussaivladad dad As participar al gieu «Missiun B» - lain guardar con bler che Vus savais gia davart biodiversitad e RTR.
Nus ans legrain d'inscuntrar Vus sonda, ils 18 da matg tranter las 8.00 – 14.00 uras a Cuira.