Siglir tar il cuntegn

Header

Navigaziun

vista sin vatgas da suren giu
Legenda: Fenga 250 arments da muvel sitg sin via da Sent sur il Cuolmen d'Fenga. RTR
cuntegn

Occurrenzas Premiera dal film FENGA

RTR envida a la premiera dal film da Beat Manetsch. La premiera ha lieu ils 13 da zercladur 2019 a las 20:00, en chasa da scola Sent.

Onn per onn mainan pasters austriacs var 250 arments da muvel sitg da Sent sur il Cuolmen d’Fenga. La finamira: las pastgiras largias e frestgas da la Val Fenga. Tar quest passagi che maina sur 2’610 m.s.m. è la muaglia da viadi bunamain 10 uras. Ils arments han da passar tras flums, guauds e gondas, els van sur pastgira, grippa e naiv.

Ina gruppa da pasters che mainan las vatgas sur il Cuolmen d'Fenga.
Legenda: Fenga Ils pasters fan ina pitschna pausa. RTR

Il film "Fenga” da l’autur Beat Manetsch documentescha quest passagi alpester, arcaic ed autalpin en ina moda laconica - cun paucs pleds, ma cun in lung flad visual. Uschia renda “Fenga” omagi a pastriglia, muaglia e cuntrada.

2 giadas Fenga en ils Cuntrasts

RTR mussa il film en duas parts mintgamai la dumengia saira sco suonda:

Fenga en televisiun

vatga brin-alva ruassa.
Legenda:Era nus duvrain ina pitschna pausa.RTR

Cuntrasts "Fenga"

Part 1:

dumengia, ils 16-06-2019, 17:25 sin SRF 1 (cun suttitels tudestgs) ubain sin rtr.ch/play.

Repetiziuns:

  • mesemna, ils 19-06-2019, 08:35, 09:35 e las 12:50 sin SRF info
  • gievgia, ils 20-06-2019, 10:55 sin SRF info
  • sonda, ils 22-06-2019, 17:10 sin SRF 1

Part 2:

dumengia, ils 23-06-2019, 17:25 sin SRF 1 (cun suttitels tudestgs) ubain sin rtr.ch/play.

Repetiziuns:

  • mesemna, ils 26-06-2019, 08:35, 09:35 e las 12:50 sin SRF info
  • gievgia, ils 27-06-2019, 11:00 sin SRF info
  • sonda, ils 29-06-2019, 17:15 sin SRF 1