Siglir tar il cuntegn
cuntegn

Occurrenzas Agrischa: Tar RTR stattan las famiglias cun uffants en il center

Animals, products regiunals, famiglias cun uffants ed entamez la Microlottta: Ils 7 ed ils 8 d’avrigl 2018 avra l’exposiziun purila Agrischa sias portas sin l’Obere Au a Cuira. RTR è preschenta cun la Microlotta, divers gieus ed ina concurrenzas per famiglias ed uffants.

Uffant maina ina vatga sperasvi a la glieud.
Legenda: RTR a l'Agrischa 2018 Al stan da RTR stattan ils uffants e las famiglias en il center. RTR

Sco l’onn passà sa preschenta la chasa da medias rumantscha cun la Microlotta a l’Agrischa, l’exposiziun purila che ha lieu a Cuira l’entschatta d’avrigl 2018. Tar RTR pon las visitadras ed ils visitaders s’infurmar davart la lavur quotidiana da RTR e davart la purschida per famiglias ed uffants. Ils pli pitschens pon chattar sbagls en in maletg, ils pli gronds uffants pon chantar lur chanzun d’uffants preferida che vegn integrada sin la pagina rtr.ch/uffants. Tuts dus fan part da l’olimpiada – la concurrenza interna da l’Agrischa.

Vus chattais nus al stan 18

Uras d’avertura: 09.00 – 17.00

Vossas chanzuns – Voss versets

RTR tschertga Vossas chanzuns e Voss versets d’uffants da pli baud. Tge chanzuns chantavas Vus sco pitschens ed ussa cun Voss uffants? Vus pudais trametter a nus il text da la chanzun, las notas ubain era in video. Il formular chattais Vus qua.

E qua pudais vesair la 1. e 2. classa bilingua da la chasa da scola Lachen a Cuira che chanta la «Chanzun dal mais».

Legenda: Guardar il video Uffants 1. e 2. classa bilingua chasa da scola Lachen. Durada 01:16 minutas.
Or da RTR dals 28.03.2018.