2x Nadal – acziun communabla
Cun quest'acziun vulan SRG SSR, Posta, Coop e Crusch Cotschna gidar persunas ch'èn per exempel attempadas e che vivan sulettas, ubain er uffants che vivan en chasas d'uffants. (Qua tar la homepage)
Giavischads èn spezialmain pachets cun artitgels per il basegn da mintgadi sco mangiativas conservablas, artitgels d'igiena e termagls per uffants.
Il program dal Radio Rumantsch metta l'acziun 2xNadal en il center. Gaby Degonda e Tona Poltera modereschan las emissiuns spezialas sin visita tar audituras ed auditurs.
Rimnà donaziuns a Savognin (29-12-2017)
A Savognin hani retschavì giasts e prendì encunter las donaziuns da las abitantas e dals abitants da la regiun. L'emissiun latiers è vegnida direct or dal center da sanadad ed è stada sut l'ensaina da nostalgia: «Nadal ier – Nadal oz».
Acziun 2xNadal a Glion (04-01-2018)
Tona Poltera e Gaby Degonda han beneventà ils auditurs e giasts a Glion en la cafetaria da l'ARGO. El han pudì prender encunter las donaziuns da las abitantas e dals abitants da la regiun. Giast da RTR è tranter auter stada Carmelia Maissen, la presidenta communala da da Glion.
Far in pachet per l’acziun 2xNadal
Sustegnair l'acziun 2xNadal pon ins sin duas differentas modas: U cun far in pachet cun victualias che laschan tegnair e products d'igiena, u trametter in pachet online.
-
audioBunura: 2x Nadal - tgi dovra ils regals?01:56 min, ord Actualitad dals 04.01.2018.laschar ir. Durada: 1 minuta 56 Secundas. -
audioBunura: 2x Nadal - la povradad en il Grischun02:30 min, ord Actualitad dals 29.12.2017.laschar ir. Durada: 2 minutas 30 Secundas.
-
audioCo far in pachet per l’acziun 2xNadal05:04 min, ord Co e cum dals 04.01.2018.laschar ir. Durada: 5 minutas 4 Secundas.
Impressiuns da Savognin
