Tschertgadas èn ideas cun in'istorgia captivanta che tschiffa, fascinescha e surprenda noss public cun in'acziun plausibla che va vias raffinadas, ideas cun ina dramaturgia stringenta ed entusiasmanta. Ultra da quai dastgan las istorgias er bandunar las structuras narrativas classicas ubain esser in mix da differents geners.
Nus tschertgain:
- figuras cun caracters vardaivels plain fassettas e cun ina lingua e mentalitad autentica
- temas che vegnan raquintads cun ina perspectiva originala e che sveglian las emoziuns dal public ed al provocheschan era
- in'istorgia captivanta che tschiffa, fascinescha e surprenda noss public
- in'istorgia cun in'acziun plausibla che va vias raffinadas
- istorgias cun ina dramaturgia stringenta ed entusiasmanta
- istorgias che giogan en la Svizra rumantscha multifara
- istorgias ch'èn adattadas per ina distribuziun lineara e digitala
Tgi po inoltrar dossiers?
- auturas ed auturs
- firmas da producziun
Vegni tar in contract da produziun sto ina firma da producziun svizra esser participada tar la realisaziun.
Dossiers d'inoltraziun (4-6 paginas)
- premissa
- descripziun da las figuras (relaziuns, conflicts, ...)
- synopsis da la stafla
- indicaziuns tar gener(s), format e distribuziun
- visiun creativa: motivaziun, tonalitad
- per firmas da producziun: purtret da la firma da producziun, cumprova da las experientschas cun producziuns da serias, CV da las auturas e dals auturs (opziunal)
- per auturas ed auturs: curriculum vitae, cumprova da las experientschas
Lingua
- ils documents pudais vus inoltrar tant en lingua rumantscha sco er en lingua tudestga, franzosa u taliana (tractament egual)
- la lingua principala dal film è il rumantsch
Andament e termins
- 15-02-2022: termin final da l'inoltraziun (en furma electronica a: flavio.bundi@rtr.ch)
- fin favrer 2022: preselecziun
- entschatta mars 2022: pitching & shortlist
- fin mars: decisiun finala
Contact
Flavio Bundi, schefredactur RTR
flavio.bundi@rtr.ch