Siglir tar il cuntegn

Medias 2018 Suisse Quiz – tgi enconuscha il meglier la Svizra?

Per la segunda giada organiseschan las emprimas chadainas dals radios da l’SRG SSR, pia Radio Rumantsch, SRF1, La Première e Rete Uno, in quiz communabel. Il premi: in bon da far viadis en la valita da 5'000 francs.

Davide Gagliardi (Rete Uno), Sven Epiney (SRF 1), Ladina Scheena (RTR) e Stéphane Gabioud (RTS-la première)
Legenda: Ils moderaturs: Davide Gagliardi (Rete Uno), Sven Epiney (SRF 1), Ladina Scheena (RTR) e Stéphane Gabioud (RTS-la première) SRF, Oscar Alessio

Tgi ch’enconuscha in zic la Svizra, sias regiuns ed atgnadads, quel u quella duai e po s’annunziar sco candidat per il Suisse Quiz.

Otg candidatAs fan lura ina preselecziun al Radio Rumantsch. E quel u quella che gudogna quella preselecziun po ir l’emprim d’avust a Berna per giugar encunter inA candidatA da la Svizra franzosa, inA da la Svizra taliana ed inA da la Svizra tudestga.

Ma nagina tema, i va er senza savair talian u franzos. Nossa moderatura Ladina Schena as maina tras tut las rundas. In di interessant cun minimum 1'500 francs sco premi da consolaziun as spetga, e cun in zic fortuna datti il premi grond da 5'000 francs.

Legende: Video Suisse quiz – in test cun ils moderaturs da RTR abspielen. Laufzeit 1:23 Minuten.
Or da RTR dals 11.06.2018.

RR Suisse Quiz 2018