Siglir tar il cuntegn

Header

cuntegn

Medias 2018 RTR rimna per ils Rohingya

Mesemna proxima, ils 23 da matg 2018, rimna la Chadaina da Fortuna ensemen cun la SRG SSR daners per la minoritad muslima Rohingya. Ina da las centralas da collecta da telefon vegn endrizzada tar RTR a Cuira.

Durant il di naziunal da solidaritad per ils Rohingya, ils fugitivs da Myanmar ch’emprovan da surviver en in champ da fugitivs en il Bangladesch, vegnan voluntarias e voluntaris a prender encunter donaziuns en las unitads d’interpresa da la SRG SSR a Turitg, Cuira, Lugano e Genevra. Ina da las centralas da la collecta da telefon vegn endrizzada tar RTR a Cuira. Là èn voluntaris e prominenza (p.ex. Martin Candinas, Barbara Janom Steiner, Eveline Widmer-Schlumpf, Stephan Kunz, Martin Schmid, Thomas Roth, Martin Jäger, Seraina Ulber etc.) tuttadi al telefon.

Durant il di naziunal da collecta pon vegnir annunziadas donaziuns a partir da la damaun a las 06:00 enfin mesanotg via il numer da telefon gratuit 0800 87 07 07. Donaziuns pon ins era far da tut temp online via www.rtr.ch cun empustar in formular da pajament u directamain via www.glueckskette.ch.

Artitgels legids il pli savens