Siglir tar il cuntegn

Medias 2018 RTR publitgescha ils custs d’emissiuns e noda in augment

Sco unitad d’interpresa da la SRG SSR publitgescha RTR era quest onn ils custs per sias emissiuns da radio e televisiun. Ils programs da RTR han chattà il 2017 en la televisiun dapli public. S’augmentà è er il diever da l’offerta en la rait.

RTR publitgescha ils custs d’emissiuns.
Legenda: RTR publitgescha ils custs d’emissiuns. RTR

RTR ha endrizzà ed actualisà sin sia pagina-web ina survista cun infurmaziuns e cun ils custs da las singulas emissiuns. Las cifras preschentadas sa basan sin il quint annual ed inditgeschan ils custs effectivs da las emissiuns realisadas il 2017. Infurmaziuns da detagl
davart ils custs da las emissiuns èn da chattar sut www.rtr.ch/custs.

Las ulteriuras unitads d'interpresa da la SRG SSR – SRF (Svizra tudestga), RSI (Svizra taliana) e RTS (Svizra franzosa) – han medemamain communitgà ils custs da lur emissiuns da lur emissiuns en detagl.

Dapli public tar la televisiun ed en la rait
Las emissiuns da televisiun da RTR han chattà il 2017 dapli public. Uschè han en media 38`000 (2016: 30'000) aspectaturas ed aspectaturs guardà l’emissiun d’infurmaziun «Telesguard». S'augmentà è er il public da l'emissiun «Cuntrasts» cun 43’000 (2016: 40’000) aspectaturas ed aspectaturs per ediziun. Per omaduas emissiuns è quai il meglier resultat dapi 5 onns. Er l’emissiun d’uffants «Minisguard» noda in augment cun 42'000 (2016: 40’000)
aspectaturas ed aspectaturs per emissiun. En l'entira Svizra ha il program dal Radio Rumantsch cuntanschì il 2017 mintga di en media 75'000* (2017: 79’000) audituras ed auditurs. Il diever da la purschida online sa sviluppa
vinavant bain. Ils 33`000 Unique Clients muntan in augment da 10% cumpareglià cun il 2016.