La cumedia «Rezia Libra» mussa co ch’ils cumbattants Niculin (Lorenzo Polin), Mengia (Marina Blumenthal), Placi (Claudio Spescha) e la scheffa Annatina (Silvana Peterelli) emprovan da deliberar la Rezia dals «Unterländeruns». Els han gia empruvà differentas chaussas – i saja be menziunà lufs e «Putsch-Dermont» – mo success n’han els anc betg gì. La Rezia è anc adina sut il giuf.
Il plan actual è cler: rapinar in commember dal Cussegl Federal e pretender la libertad da la Rezia. Realisar quai n’è però betg uschè simpel. Almain per Mengia betg, ch’è in pau sceptica, perquai che Placi n’ha anc mai dumagnà insatge.