Siglir tar il cuntegn
Inhalt

Medias 2018 La turnea «Sin il viv!» va a Turitg

Per il giubileum da 25 onns Impuls preschenta RTR ensemen cun la Lia Rumantscha la turnea da lectura «Sin il viv!». Suenter l’emprima lectura en la Garascha Oberalp a Sedrun, suonda ussa la segunda a Turitg.

Sin il viv! 25 onns Impuls.
Legenda: Sin il viv! 25 onns Impuls. RTR

Da bars sombras, dad andas ed auters utschels en la citad, dal lai e da la generaziun Y ch’è stgarpada tranter mund urban e mal da muntogna. Da quai raquintan ils Impuls che Romana Ganzoni, Chatrina Josty, Carlo Beer e Benedetto Vigne vegnan a preleger en l’agentura Geyst la fin da favrer.

Flurina Badel, redactura Impuls: “Impuls quai è litteratura al Radio Rumantsch - mintga di dapi 1993! Impuls en texts curts cun nota persunala da las auturas e dals auturs che raquintan e reflecteschan ils misteris dal mintgadi.”

Perquai envidan RTR e la LR a tadlar ils Impuls prelegids live - là nua ch’els vegnan uschiglio er tadlads. En lieus dal mintgadi da las audituras e das auditurs da radio. Pia en stivas e stallas, en lavuratoris ed en ierts. Mintgamai quatter auturas ed auturs prelegian novischems Impuls anc mai publitgads, ma era da quels ch’èn vegnids scrits gia avant onns aposta per la rubrica Impuls dal Radio Rumantsch.

La terza lectura da «Sin il viv!» ha alura lieu ils 3 da zercladur 2018 a las 16:30, en la scrinaria Uffer a Savognin. La turnea è publica, l’entrada libra.