Siglir tar il cuntegn
Inhalt

Medias 2018 «Da cumpagnia» a Landquart

Venderdi, ils 25 da matg 2018, envida RTR a star da cumpagnia en il Forum im Ried a Landquart. Il public spetga ina saira cun musica d’«Invivas» e cun giuvens musicists e giuvnas musicistas da la «Scola da musica Landquart e conturn». Plinavant prelegia ils scriptur sursilvan Arno Camenisch.

La furmaziun a-capella «Invivas» è vegnida fundada l’onn 2011.
Legenda: La furmaziun a-capella «Invivas» è vegnida fundada l’onn 2011. MAD

La cumpart da la musica svizra e regiunala en ils programs da RTR è fitg auta. RTR promova registraziuns e producziuns da musica en las pli diversas spartas. Perquai ha RTR era envidà talents giuvens ch’embelleschan musicalmain l’occurrenza. La furmaziun a-capella «Invivas», ch’è vegnida fundada l’onn 2011, sa cumpona da tschintg giuvens Grischuns. Il num «Invivas» stat per perfecziun musicala, divertiment professiunal ed arranschaments d’auta qualitad. Il repertori tanscha dal song da pop fin tar la chanzun populara. Sin tribuna sa preschentan plinavant era scolaras e scolars da la «Scola da musica Landquart e conturn» cun producziuns da cornet, clavazin, ghitarra, violina e saxofon.

Elin Batista - moderatura da «Minisguard» - maina il public tras la sairada culturala.

RTR envida cordialmain giuven e vegl da passentar ina sairada da divertiment cun interprets indigens al «Da cumpagnia», venderdi, ils 25 da matg 2018, 20:00, en il Forum im Ried a Landquart.