Siglir tar il cuntegn
Inhalt

Medias 2018 Cuntrasts: Buglia – il scandal da cartels en il Grischun

RTR emetta dumengia, ils 06 da matg 2018 a las 17:25 sin SRF 1 in «Cuntrasts» spezial davart il scandal da cartels en il Grischun.

Buglia – il scandal da cartels en il Grischun.
Legenda: Buglia – il scandal da cartels en il Grischun. RTR

Oceana Galmarini, 24, oriunda d’Ardez, è redactura da «Battaporta» e moderatura/redactura da l’emissiun d’infurmaziun per uffants «Minisguard». Ella lavura dapi il 2013 tar RTR ed ha frequentà la scola da schurnalissem MAZ a Lucerna. Il 2016 ha Oceana Galmarini plinavant lavurà sco praticanta tar la «Rundschau», l’emissiun da politica ed economia da SRF. Sper la moderaziun tar il «Telesguard» resta Oceana Galmarini redactura da «Battaporta», «Minisguard» e dal «Profil».

Gievgia, ils 17-05-2018 moderescha Oceana Galmarini l’emprima giada il «Telesguard» e cumplettescha uschia il team da Isabella Wieland, Corina Schmed e Livio Foffa. Oceana Galmarini daventa successura dad Annina Campell che ha bandunà RTR per la fin d’avrigl 2018.

Moderaziun «Minisguard»:
Nina Defuns è la nova fatscha dal «Minisguard». Ella ha 22 onns, è oriunda da Trun e lavura dapi il 2016 tar RTR. Nina Defuns è actualmain stagiaire/redactura dal «Telesguard» e frequenta la scola da schurnalissem MAZ a Lucerna.

I buglia en il Grischun: Quests dis ha in scandal scurlattà tras l’entir chantun. La Cumissiun da concurrenza (CumCo) ha scuvrì il pli grond cas da cartels ch’igl ha dà en Svizra en la branscha da construcziun. Interpresas da l’Engiadina, da la Val Müstair e punctualmain era dal rest dal chantun vegnan inculpadas e sancziunadas per avair coordinà sur onns las lavurs e per avair sa cunvegnidas a pretschs, sin donn e cust da privats e dal maun public. Interpresas, uffizis ed era la regenza grischuna èn sut pressiun ed en la buglia – be in mais avant las elecziuns chantunalas. Co ha quai pudì capitar? Tgi è entretschà en quest scandal? Tgi avess stuì s’intermetter? L’emissiun Cuntrasts tschertga respostas e dat scleriments en tut la pulvra leventada durant ils davos dis.