Siglir tar il cuntegn
Inhalt

Medias 2018 Cuntrasts: «Anselmo Gadola e ses craps»

Questas rusnas ed ils segns sajan vegnids ordinads dals umans d’antruras tenor mesiras definidas. Ina teoria ch’archeologs professiunals mettan en dumonda. RTR mussa en l’emissiun «Cuntrasts» dals 24 da zercladur 2018 a las 17:25 sin SRF 1 il cumbat d’Anselmo Gadola per renconuschientscha.

Cuntrasts: «Anselmo Gadola e ses craps».
Legenda: Cuntrasts: «Anselmo Gadola e ses craps». RTR

Anselmo Gadola ha ina teoria: Las rusnas en ils craps-scalutta èn vegnidas furadas e gravadas tenor mesiras neoliticas e cun in sistem definì. Per cumprovar sia teoria viagia l’archeolog laic cun lingera e crida, cun notizias ed apparats da fotografar tras l’entira Europa: en Val Schons, en Val Camonica u en l’Austria. El perscrutescha, publitgescha, maina in agen museum, fa guidas e referescha davart l’idea che las rusnas en las scaluttas sajan vegnidas integradas cun in sistem spezial e tras ils umans preistorics. Il film «Anselmo e ses craps» da Casper Nicca (RTR) mussa ils 24 da zercladur 2018 a las 17:25 sin SRF 1 sco ch’in perscrutader laic cumbatta da vegnir udì e renconuschì.