Siglir tar il cuntegn

Medias 2017 RTR rimna per 2xNadal

Far in regal e gidar. Quai è il senn da l'acziun caritativa 2xNadal da la SRG SSR, la Crusch Cotschna Svizra, Coop e la Posta Svizra. Era Radiotelevisiun Svizra Rumantscha (RTR) rimna per l’acziun. Ils moderaturs Gaby Degonda e Toni Poltera sa legran da las visitas a Savognin e Glion.

2xNadal cun Gaby Degonda e Tona Poltera.
Legenda: 2xNadal cun Gaby Degonda e Tona Poltera. RTR

RTR envida ad in café e rimna regals e donaziuns per l’acziun 2xNadal. Quai a Savognin e Glion. Ils abitants e las abitantas da las regiuns pon purtar lur regals - per exempel 1 pac ris, 1 pac pasta, 1 buttiglia schampo u 1 stgatla cun colurs - e star da cumpagnia.

Las donaziuns van a persunas attempadas u malsauns, mammas che educheschan sulettas e lur uffants sco er a famiglias da fugitivs en situaziuns precaras – blers umans vivan en gronda miseria.